Мамлекет башчысы Алмазбек Атамбаев Орусия президенти Владимир Путин менен бүгүн, 8-октябрда Сочиде жолугушат. Ал Орусияга кечээ учуп келен. Өлкө башчынын аппаратынын маалымат бөлүмүнүн башчысы Алмаз Усеновдун ырасташынча, президенттер жолугушууда кыргыз-орус экономикалык алака-катыштарды талкуулашат.
Сүйлөшүүлөрдө Евразия экономикалык биримдигинин шартындагы жаңы көйгөйлөр жана Орусия каржылай турган Жогорку Нарын каскаддары сыяктуу ири долбоорлор тууралуу да сөз болот.
7-октябрда орус президенти Владимир Путиндин туулган күнү болчу. Ал жеке майрамын хоккей аянтында белгилөө үчүн Сочиге атайын келген. (UEz)