Украинада бүгүн Евромайдандын экинчи жылдыгын - Эркиндик жана ар намыс күнүн белгилеп жатышат.
Киевде, Эркиндик аянтында 2014-жылдын февраль айында нааразылык акциясына чыккандардын полиция менен кагылышуусунда набыт кеткендерине арналган мемориал орнотулду. Чогулгандар ошол окуянын курмандыктарын эскеришти.
2013-жылдын 21-ноябрында миңдеген украин жарандары аянтка чыгып, ошол кездеги президент Виктор Януковичтин, өкмөттүн Европа Союзуна биригүүгө каршы чечимине нааразылыгын билдире баштаган болчу. (RK)