Орусияга караган Башкырстандын борбору Уфада транссексуал Анжела Ликинаны мыкаачылык менен өлтүрүп кетишти. Анын паспорттогу аты эркектики - Олег Воробьев болчу. Бул кылмышка Воробьевдин мурдагы аялынын досу шектелип кармалды.
Анжела Ликина деген ат Орусияда 2014-жылы интернетте тараган тасмадан улам дүң болгон. Анда бир машинени токтоткон жол полициячылары рулда отурган аялдын айдоочулук күбөлүгүндө эркектин ысмы жазылганын көргөндөн кийинки реакциясы тартылган эле.