Жергиликтүү тургундар билдиргендей, өрт базардын жанындагы тез татым дүкөнүндө башталып, ага улаш дүкөндөрдү каптады. Кырсык болгон жерге өрт өчүрүүчүлөр келди.
Жергиликтүү тургун Акжол Турдалиев “Азаттыкка” кабарлагандай, Орто-Сай базарынын тегерегиндеги жолдо тыгын пайда болуп, өрт өчүрүүчү унааларга тоскоолдук жаралууда. Өрт болжол менен Юнусалиев жана Сүйөркулов көчөлөрүнүн кесилишиндеги дүкөндөн чыккан. (SDz)