Кыргыз өкмөтү өлкөнү өнүктүрүү стратегиясында көрсөтүлгөн улуттук инвестициялык долбоорлорду уланта берет. Бул тууралуу Жогорку Кеңеште өкмөттүн программасы менен тааныштырып жатып премьер-министрлик кызматка талапкер Сооронбай Жээнбеков билдирди.
- Ушул убакытка чейин аткарылып келе жаткан түндүк-түштүк альтернативдик жолду салуу, Бишкек - Кара-Балта айланма жолду курууну улантабыз. Ошондой эле Бишкектен “Манас” аэропортуна кеткен жана Балыкчы - Корумду жолунун курулушун токтотпойбуз, - деди Жээнбеков.
Буга чейинки премьер-министр Темир Сариев жолдорду курууда өткөрүлгөн тендерде кызыкчылыгы бар деген айыптар айтылган. Ушундан улам Сариев өз ыктыяры менен 11-апрелде отставкага кеткен. (SDz)