Парламенттеги «Республика – Ата-Журт» фракциясы бүгүн «Улуттук энергетикалык холдинг» ачык акционердик коомунун ишмердүүлүгүнө байланышкан маселени карайт. Аталган ишкана былтыр жыл соңунан тарта ишке киришкен. Өкмөттүн чечими менен Энергетика жана өнөр жай министрлиги жоюлуп, энергетикалык компаниялар бул холдингге бириктирилген. Муну менен тармактагы коммерциялык жоготууларды азайтып, коррупцияны жеңүү аракети көрүлүп жатканы айтылган. Январда жаңы түзүлгөн Энергохолдингдин директору болуп Айбек Калиев дайындалган эле. (NT)
