Чүй облусунун Сокулук районундагы Комсомол айылында 19-июнда болгон жол кырсыгынан сегиз адам жабыркады. Өзгөчө кырдаалдар министрлигинен маалымдашкандай, кичи автобус менен «Хонда» үлгүсүндөгү жеңил автоунаа кагылышкан. Анын кесепетинен 8 адам жабыркаган, Бишкек шаардык Куткаруу кызматынын адистери унаага кыпчылып калган адамды чыгарып, биринчи медициналык жардам көрсөтүшкөн. Калган 7 адамды "Тез жардам" кызматына өткөрүп беришкен. (NT)
