Бразилияда өтүп жаткан жайкы Олимп оюндарында кыргызстандык марафончулар Виктория Плюдина, Юлия Андреева жана Мария Карабицкая мелдештерин жыйынтыкташты. Алар 14-август күнү 42 чакырым 195 метр аралыкка чуркоодо 157 спортчунун катарында жарышка чыгышкан. Юлия Андреева 2 саат 40 мүнөт 34 секунд убакытта марага келип, 59-орунду алды. Ал Олимпиада чемпиону болгон кениялык Сумгонг Желима Желагаттан 16 мүнөт 30 секунд артта калган. Ал эми Виктория Полюдина 62-орунду (2.41.37), Мария Карабицкая (2.47.53) 94-орунду ээлешти. (ECh)
