Саламаттык сактоо министри майрам күндөрү жарандарды медициналык-санитардык жактан камсыздоо максатында атайын буйрук чыгарды. Ага ылайык Эгемендүүлүк майрамында эл жыш жайгашкан жерлерде дарыгерлердин бригадалары медициналык унаалар менен күзөттө болушат.
Атайын дарыгерлер “Ата-Бейит” мемориалдык комплексинде да турушмакчы. Мындан башка зарыл түрдө ооруканага кайрылгандарга "Тез жардам" көрсөтүү үчүн оорукана башчыларына бош орундарды алдын-ала даярдоо тууралуу тапшырмалар берилди. Министрдин буйругуна ылайык ооруканалар алдын-ала мамлекет тарабынан берилген дары-дармектерди даярдап туруусу абзел.
Министрликтин басма сөз кызматы маалымдагандай, санитардык-эпидемиологиялык кызматтары эл көп чогулган жерлердеги коомдук тамактануучу жайларды тыкыр көзөмөлгө алмакчы. (SDz)