Суук селсаякты аябайт

Өткөн аптада жааган алгачкы кар Бишкекте үч селсаяктын өмүрүн алып кетти. Суук түшкөнүнө байланыштуу ушул тапта утурумдук баш калкалоочу жайлар ачылып, селсаяктарды кабыл ала баштады. Бирок мындай түнөктөгү эрежелерге баш ийгиси келбегендер, адаттагыдай эле ар кандай жертөлөлөрдө, жылуулук өткөрүүчү трубалардын алдында күн кечирип жатышат. Жоопкерчилиги жок, ээн-эркин, бирок ошол эле кезде оор жашоону баштан кечирип жаткан бул адамдарды нормалдуу жашоого кайтаруу мүмкүнбү? Бул үчүн эмне кылуу керек?