Кыргызстандык ырчы Салтанат Аширова Украинанын 1+1 телеканалындагы “Голос” сынагына катышууда. 19-февраль күнү ал калыстар тобунун тандоосунан өтүп, долбоордун мындан аркы сынактарында ат салышмай болду.
Салтанат Аширова Алисия Кейстин Fallin чыгармасын аткарды. Аны өз тобуна алуу каалоосун калыстар тобундагы эки ырчы - Потап жана Жамала билдиришти. Салтанат Потапты тандады.
“Голос” шоу-сынагы Голландиянын The Voice сынагынын украиналык нускасы болуп саналат.