АКШнын Мамлекеттик департаменти Орусиянын БУУдагы өкүлү Виталий Чуркиндин өлүмүнүн себептери боюнча маалымат бербейт.
Бул тууралуу Мамдепартамент Нью-Йорктун соттук-медициналык кеңсесинен расмий түрдө өтүндү. Мындай чечимди АКШнын тышкы саясат мекемеси дипломаттын кол тийгистик макамы менен байланыштырып, ал көзү өткөндөн кийин да сакталарын белгилеген.
Виталий Чуркин 20-февралда 65 жашка чыгарына бир күн калганда Нью-Йоркто каза болгон. Орус тарап анын өлүмүнүн себебин жүрөк оорусуна байланыштырган. Бирок АКШнын соттук-медициналык экспертиза борбору дипломаттын өлүмү боюнча токсикологиялык жана гистологиялык экспертиза өткөрөрүн жарыялаган.