Бишкек шаарындагы Шабдан Баатыр жана Ахунбаев атындагы көчөлөрдүн кесилишиндеги Ботаникалык бакта өрт чыкты.
Өзгөчө кырдаалдар министрлигинин маалыматына караганда, бакта 5-6 гектар куураган чөп күйүп жатат.
Өрттү өчүрүүгө эки бөлүм тартылган. Алдын ала маалыматтарга караганда, жабыркагандар жок. Мекеме өрт боюнча кошумча маалымат берилерин кабарлады.