Ысык-Көл районунун Темир айылындагы Григорий капчыгайында чыккан өрт өчүрүлдү. Өзгөчө кырдаалдар министрлиги билдиргендей, тилсиз жоо 11-сентябрда саат 16:00до толук токтоду.
Капчыгайда куураган чөп 10-сентябрда күйүп баштаган. Андан болжол менен 4-5 гектар аянттагы кургак чөп өрттөнүп кетти.
Август-сентябрь айларында Бишкек шаарындагы Ботаникалык бакта да бир нече жолу өрт чыгып, бир канча гектар чөп күйүп кеткен.
Жалпысынан быйылкы жылдын башынан бери Кыргызстанда 1300дөн ашуун өрт кырсыгы катталды. (NT)