АКШнын Эл аралык өнүктүрүү агенттигинин (ЮСАИД) колдоосу менен өтүп жаткан иш-чара "Исфара - достук дарыясы" деп аталат. Ага Кыргызстандан, Тажикстандан, Өзбекстандан жана Казакстандан суу тармагынын адистери катышууда. Анда аймактагы сугат жана таза суунун тартыштыгы, дарыяларды чыр-чатаксыз пайдалануу зарыл экендиги айтылды.
Кыргызстандын, Тажикстандын жана Өзбекстандын элин суу менен камсыз кылган Исфара дарыясын чогуу, туура пайдаланууга багытталган мындай иш-чара быйыл үчүнчү жолу уюштурулду. Буга чейинки эки жыйын Тажикстанда өткөн.
Исфара дарыясы Баткенде Ак-Суу деп аталат. Ак-Суу Баткенде Төрт-Күл суу сактагычына куюп, андан кыргыз жана тажик дыйкандары пайдаланышат. (MdN)