Абадан коргонуу күчтөрүнүн 30 жаштагы прапорщиги машыгуу учурунда каза болду. Бул тууралуу "Азаттык" радиосуна Куралдуу күчтөрдүн Башкы штабынын өкүлдөрү кабарлашты.
Мекеменин маалыматына караганда, окуя бүгүн 18-октябрда болду.
Үч чакырымга чуркоо маалында прапорщик эс-учун жоготуп жыгылып түшкөн. Алгачкы медициналык жардамдан эсине келбей, ооруканага жеткирип баратышканда жолдо каза болгон.
Учурда маркум эмнеден каза болгону иликтенип жатат.