3-ноябрда Түркиянын Стамбул шаарында кыргыздын залкар жазуучусу Чыңгыз Айтматовдун 90 жылдыгына арналган иш-чара өтүүдө. Анда Айтматов тууралуу даректүү тасма көрсөтүлүп, айрым адабиятчылар жазуучунун түрк адабиятына кошкон салымы боюнча сөз сүйлөштү.
Түрк маданиятынын эл аралык уюму (ТҮРКСОЙ) 2018-жылды "Айтматов жылы" деп жарыялаган. Залкар жазуучунун 90 жылдыгына карата Түркиянын булуң-бурчунда ар түрдүү маданий иш-чараларды өткөрүү пландаштырылган.
Жазуучунун 90 жылдыгын Кыргызстанда жана эл аралык деңгээлде белгилөө боюнча былтыр президент Сооронбай Жээнбековдун жарлыгы чыккан. (ElB)