Кыргызстанда бүгүн, 4-декабрда "Манас" эпосунун күнү белгиленет. Маданият, маалымат жана туризм министрлиги билдиргендей, бул күнгө карата Абдылас Малдыбаев атындагы Кыргыз улуттук опера жана балет театрында салтанаттуу иш-чара өтөт.
“Манас” эпосунун күнү 2015-жылы 27-апрелде Маданият, маалымат жана туризм министрлигинин жана Жогорку Кеңештин сунушунун негизинде, өкмөттүн токтому менен негизделген.
Башкы максат - эпосту сактоо, даңазалоо, "Манас" таанууну жайылтуу жана манасчыларды мамлекеттик колдоого алуу.
2013-жылы 4-декабрда "Манас" эпосу ЮНЕСКОнун материалдык эмес маданий мурастарынын тизмесине катталган. (NT)