Акрам Мадумаров өкмөттүн Баткен облусундагы ыйгарым укуктуу өкүлү болуп дайындалды. Тиешелүү буйрукка премьер-министр Мухаммедкалый Абылгазиев кол койду. Бул тууралуу өкмөттүн басма сөз кызматы билдирди.
13-14-март күндөрү Баткендеги кыргыз-тажик чек арасындагы чырда жергиликтүү тургундардын айрымдары Баткендин мурдагы губернатору Абиш Халмурзаевге нааразы болуп, анын кызматтан кетишин талап кылышкан.
Абиш Халмурзаев өкмөттүн Баткен облусундагы ыйгарым укуктуу өкүлү болуп 2016-жылдан бери иштеп келген.
42 жаштагы Акрам Мадумаров мурда Кыргызстандын кадр кызматын жетектеген. (KR)