Кыргызстанда акыркы он жылда жайыттын аянты 167 миң гектарга азайган. Бул тууралуу «Азаттыкка» Жайыт, мал жана балык чарба департаментинин жайыт боюнча адиси Бекназар Абдураимов билдирди:
- 2008-жылы жайыттын аянты 9 млн. 174 миң 400 гектар болгон. 2019-жылы 9 млн. 7504 гектарды түздү. Жайыт аянтынын азайышына айылдардын кеңейиши жана башкалар себеп болушу мүмкүн.
Абдураимовдун айтымында, жайыт аянтынын азайышынын себептерин текшерүүгө бир топ убакыт кетет. Айрым аймактарда мыйзамсыз берилип кеткен жайыттар мамлекетке кайтарылган учурлар бар. (КЕ)