Баткен районунун Кара-Булак айыл аймагынын Бужум айылындагы таза суу топтолуучу кудуктардын капкактарын уурдап кеткен киши кармалды. Бул тууралуу Баткен облустук ички иштер башкармалыгынын басма сөз катчысы Дамира Юсупова билдирди.
Окуя 15-апрелге караган түнү болгон. Белгисиз адамдар айылдагы кудуктардын 21 даана темир капкагын уурдап кетишкен. Капкактар кармалган кишинин үйүнөн табылды.
Учурда уурулук фактысы боюнча тергөө иштери жүрүп жатат. (ErN)