Чүйдүн Сокулук районунун Новопавловка айылындагы Айтматов атындагы лицейдеги окуяны териштириш үчүн комиссия түзүлдү. Андан тышкары булишти прокуратура да текшерет. Бул тууралуу билим берүү жана илим министри Гүлмира Кудайбердиева бүгүн, 25-апрелде парламенттин жыйынында билдирди.
24-апрелде аталган мектептин окуучуларынын бир катар ата-энелери мектепке чогултулган акчанын эсебин талап кылып Жогорку Кеңештин алдына пикетке чыгышкан.
Чырга байланыштуу мектеп директору Диляра Абдуллаева убактылуу ишинен четтетилген. Кудайбердиева териштирүүнүн жйынтыгы менен анын кызматтан кетер-кетпеси чечилерин айтты.
Министрдин маалыматына караганда, Айтматов атындагы лицей миң окуучуга ылайыкташкан. Бирок учурда 4500 бала билим алат. Алардын 60 пайызынын ата-энелери мектептин фондуна каражат беришери аныкталган. Ата-энелер директорду «каражатты натыйжасыз пайдаланууда» деп айыптап жатышат. (BTo)
Сиздин браузер HTML5 ыкмасын колдобой жатат.
Мектепке нааразы ата-энелер митингге чыкты