Улуу Британиянын ханышасы Елизавета II, премьер-министри Тереза Мэй жана АКШнын президенти Дональд Трамп бүгүн Англиянын түштүгүндөгү Портсмут шаарында Экинчи дүйнөлүк согуштун нугун өзгөрткөн «Нептун» операциясынын 75 жылдыгына арналган иш-чарага катышат.
Франциянын, Германиянын лидерлери Эммануэл Макрон жана Ангела Меркел менен кошо бул жолугушууга согуштун 300дөй ардагери да чакырылган.
1944-жылдын 6-июнунда АКШ, Британия, Канада баштаган бир катар өлкөлөр фашисттер көзөмөлгө алган Франциянын Нормандия аймагына өз күчтөрүн жайгаштырган. (RK)