“Ислам мамлекети” террордук тобунун катарына кошулганы үчүн айыпталган Германиянын 32 жаштагы тургуну беш жылга эркинен ажыратылды.
Мындай чечимди Штутгарт шаардык соту 5-июлда чыгарды.
Сабинэ Ульрике С аттуу аял, 2013-жылдын соңунан 2017-жылдын август айына чейин Сириянын аймаганда жашаганы айтылууда.
Прокурорлордун версиясына ылайык, ал Сирияга бараары менен террордук топтун согушкерине турмушка чыккан.
Айыпталуучунун күйөсү 2016-жылы кармашта өлтүрүлгөн. Прокурорлор Сабинэ С башка жарандарды террордук топтун катарына тартуу максатында аны даңазалаган блогдорду жазып келгенин билдиришти.
Сотто Сабинэ Э “Ислам мамлекети” радикал уюмунун аракеттерине аралашуудан баш тартканын билдирди.
Ал 2017-жылы Сириядагы күрт күчтөрүнүн колуна туткунга түшүп, Германияга былтыр апрелде кайтарылган.