14-октябрда Бишкек-Ош автоунаа жолунун 155-чакырымында (Париж тилкеси) болгон жол кырсыгынан эки киши мүрт кетип, беш адам жаракат алды.
Өзгөчө кырдаалдар министрлигинин басма сөз кызматы тараткан маалыматка караганда, «Хонда-Степ» жана «Дэу-Нексия» үлгүсүндөгү машинелер сүзүшкөн.
Куткаруучулар каза болгон адамдардын өлүктөрүн автоунаадан чыгарып милиция кызматкерлерине өткөрүп беришкен. Ал эми жабыркагандар «Тез жардам» кызматы тарабынан Жайыл райондук ооруканасына жеткирилген. (BTo)