Кыргызстанда мектеп окуучулары арасында альтернативдик олимпиада уюштурулат. Билим берүү жана илим министрлигинин маалыматына караганда, бул олимпиаданын айырмасы – окуучулар ага Интернет аркылуу online катыша алышат.
Кененирээк маалымат бүгүн 13-ноябрда Бишкекте өтө турган басма сөз жыйынында берилет. Ага министрликтин жетекчилиги, жооптуу кызматкерлери катышат.
Кыргызстанда 2265 мамлекеттик мектеп бар. Аларда 1 миллион 200 миң бала билим алат.
Республикалык жалпы олимпиада жыл сайын төрт этап менен өткөрүлүп турат. Алгачкысы ноябрда, акыркысы март айында болот. (RK)