Жогорку Кеңеш 28-ноябрда беш жылга байланыштуу бюджеттик үч мыйзамды кабыл алды.
Бюджеттин 2018-2019-жылдардагы аткарылышы, 2020-жылга планы жана 2021-2022-жылдарга болжолу жөнүндө экинчи окууга келген документтер ошол эле күнү үчүнчү окуудан да өттү.
Мындай чукул кабыл алуу тартибинин мыйзамсыз экенин айткан депутаттардын пикири эске алынган жок.
Парламент жыйынында премьер-министри Мухаммедкалый Абылгазиев 2020-жылга сунушталып жаткан бюджет дээрлик 40 млрд. сомго көбөйүп, 173 млрд. сомду түзөрүн айтты
Өкмөттүн басма сөз кызматы «2020-жыл мамлекеттик бюджетти толтуруу жана көмүскө экономика менен күрөшүү багытында өзгөчө жыл болот» деген маалымат таратты.