Борбордук шайлоо комиссиясы (БШК) Жалал-Абад шаарынын мэрин кайрадан шайлоо күнүн 3-декабрга белгиледи.
Мэр шайлоо 17-ноябрда өтмөк. Бирок калаа башчылыгына жалгыз талапкер болгон Эрнисбек Ормоков ат салышуудан баш тартып койгон.
Ормоков быйыл 4-октябрда өткөн, кийин жыйынтыгы жокко чыгарылган парламенттик шайлоого Жогорку Кеңештин депутаттыгына «Мекенчил» партиясынан талапкер катары катышкан.
Жалал-Абад шаарынын мурдагы мэри Мураталы Тагаев октябрь айындагы саясий окуялардын фонунда кызматтан кеткен. Андан бери мэрдин милдетин вице-мэр Нуртилек Орозбаев аткарууда.
Жалал-Абад - Кыргызстанда үчүнчү ири шаар. Калкынын расмий эсеби 120 миң деп айтылат. (SE)
Жалал-Абад шаардык кеңешинин төрагасы Адил Жоробаев менен маек.
Жалал-Абадда мэр шайлоо өтпөй калды