Кыргызстандын президенти Садыр Жапаров 4-ноябрда “Борбор Азия - Европа биримдиги” эл аралык экономикалык форумуна катышуу үчүн Бишкек шаарына келген Европа комиссиясынын вице-президенти Валдис Домбровскис менен жолукту. Бул тууралуу президенттин басма сөз кызматы маалымдады.
Анда мамлекет башчы Европа Биримдиги Кыргызстан үчүн маанилүү тышкы саясий өнөктөш экенин, өлкө эгемендик алгандан бери демократия жана рынок реформаларын ырааттуу колдоп келгенин белгиледи.
Европа комиссиясынын вице-президенти Валдис Домбровскис Европа Биримдиги менен Кыргызстандын ортосунда соода, инвестиция, жашыл экономика, санариптештирүү чөйрөсүндө кызматташтыкты өнүктүрүүгө жогорку мүмкүнчүлүк бар экенин белгиледи.
Бишкек шаарында 5-ноябрда «Европа Биримдиги – Борбор Азия» биринчи экономикалык форуму өтөт. Форум COVID-19 пандемиясынын кесепетинен келип чыккан социалдык-экономикалык каатчылыктан чыгуунун чараларын иштеп чыгуу жана талкуулоого багытталган. Ага Борбор Азия өлкөлөрүнүн өкмөт өкүлдөрү катышат. (TSh)
Дагы караңыз
УКМК депутаттарды кайтаруу эрежесин өзгөртүүнү сунуштады Кытай Кыргызстанга 1200 тоннадан ашык азык-түлүктү жардам катары бердиУланбек Эгизбаев атындагы сыйлыкка кезектеги сынак жарыяландыCOVID-19: Нарында вакцинанын биринчи дозасын калктын 70% сайдырды