Өтмөк ашуусунда бардык чектөөлөр алынып, автоунаалар эки жакка каттап жатат. Учурда жол тейлөө мекемесинин кызматкерлери кум чачуу иштерин жүргүзүүдө.
Бул тууралуу "Азаттык" радиосуна 12-мартта ИИМдин Жол кыймылынын коопсуздугун камсыздоо башкармалыгынын Талас облустук бөлүмүнөн билдиришти.
Башкармалык автоунаалар ортосундагы 500 метр аралыкты сактоого чакырууда.
11-март түнү оор жүк ташуучу автоунаалардын айдоочулары Өтмөк ашуусундагы жол тазаланбай жатканын айтып, жолду буушкан. Айдоочулар анда облус башчысы менен жол тейлөө мекемесинин жетекчиси келишин талап кылган.
Жолду бууганга 10-мартта аба ырайыдан улам ашуудагы машине тыгыны себеп болгон. Мындан улам оор жүк ташуучу автоунаалардын каттамына чектөө коюлган.
Синоптиктер 12-марттан 15-мартка чейин Кыргызстандын тоолуу райондорунда кар көчкү жүрүшү күтүлүп жатканын жана жолдор тайгак болорун эскертүүдө. (MKt)
Дагы караңыз
УКМК Абжалиев 1,2 млн. долларды төлөп, абактан чыкканын билдирдиCOVID-19: Бир күндө 13 бейтап катталып, бир адам каза болдуКайра шайлоо: бири-бирин айыптаган талапкерлер