Юстиция министринин орун басары Алмазбек Зарылбек уулу 24-январда парламенттин тармактын комитетинде cоттук-медициналык экспертиза тармагындагы коррупциялык тобокелчиликтер тууралуу суроолорго жооп берди.
“Сиздин оюңуз кандай? 20 миң сом айлык алып жаткан эксперт көз карандысыз болобу? Коррупциялык тобокелчиликтер барбы?" - деп суроо узатты депутат Чыңгыз Ажыбаев.
Зарылбек уулу 20 миң сом айлык көтөрүлгөндөн кийинки сумма экенин, алардын маянасын жогорулатуу үчүн Министрлер кабинетине кайрыла турганын айтты.
Жыйында депутаттар Соттук-медициналык экспертиза кызматы соттук териштирүүлөрдө маанилүү рол ойной турганын белгилешип, алардын көз карандысыздыгын камсыздоо зарыл деген маселе көтөрүштү.
Соттук-медициналык экспертиза кызматы - Юстиция министрлигине карайт. (TSh)
Дагы караңыз
Жабырлануучу тарап Болот Назаровго доосу жок экенин билдирди