Кыргызгидромет кызматы билдиргендей, 12-апрелде түнкүсүн Жалал-Абад, Баткен облустарынын тоо этектеринде жана Чүй облусунун айрым жерлеринде жаан жаап, күн күркүрөшү, тоолуу райондорунда кар жаашы күтүлөт, калган аймактарда жаан-чачын жаабайт.
Күндүз Чүй, Ысык-Көл, Нарын облустарынын айрым жерлеринде жаан жаап, күн күркүрөшү, тоолуу райондорунда кар жаашы күтүлөт, Талас, Жалал-Абад, Ош, Баткен, облустарында жаан-чачын жаабайт.
Тоолуу райондордо жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрден, күндүз Ысык-Көл акваториясында 15-20 метрге жетет.
Абанын температурасы:
Чүй өрөөнүндө түнкүсүн 6…11, күндүз 16…21;
Таласта түнкүсүн 3…8, күндүз 14…19;
Баткен облусунда түнкүсүн 6…11, күндүз 20…25;
Ош, Жалал-Абад аймактарында түнкүсүн 7…12, күндүз 21…26;
Ысык-Көл дубанында түнкүсүн 1…6, күндүз 11…16;
Нарын облусунда түнкүсүн -3…+2, күндүз 15…20;
Бийик тоолуу аймактарда түнкүсүн -6…-11, күндүз 0…5 болот.
Бишкекте түнкүсүн жаан-чачын жаабайт, күндүн биринчи жарымында жаан жаап, күн күркүрөйт, күндүн экинчи жарымында жаан-чачын болбойт. Абанын температурасы түнкүсүн 7…9°, күндүз 17…19°.