Президент Сооронбай Жээнбеков 7-ноябрь маалымат жана басма сөз күнүнө байланыштуу журналисттерди кесиптик майрамы менен куттуктады. Мамлекет башчынын куттуктоо кайрылуусунда журналисттер өлкөнүн өнүгүүсүнө салым кошуп жатканын белгилеген.
- Сөз эркиндиги — өлкөбүздүн негизги жетишкендиктеринин бири. Эркиндик жоопкерчиликти жана калыстыкты талап кылат. Мамлекеттеги окуяларды чагылдырууда калыс жана ар тараптуу болууну каалайм, – деди Жээнбеков.
Өлкөдө 7-ноябрда журналисттердин кесиптик майрамы - Маалымат жана басма сөз күнү белгиленет.
Басма сөз күнү катары кыргыз тилиндеги туңгуч “Эркин тоо” гезити 1924-жылы дал ушул күндө жарык көргөнүнө байланыштуу белгиленип келет. Кыргызстандын Юстиция министрлигинен миңден ашуун гезит-журнал каттоодон өткөн. (TSh)
