Ооганстандагы эки америкалык аскерий базага өткөн түнү ракеталык чабуул жасалды. Кабул шаарынын алдындагы Баграм аскерий базасында жайгашкан америкалык аскерий жетекчиликтин айтымында, ракеталар - Чыгыш Ооганстандагы Гардез жана өлкөнүн түндүк-батышындагы Лвара базаларына тийген. Америкалык аскерлер - ракеталар атылган жерлерге жооп кайтарган, бирок канча адам курман болгондугу же башка кандай чыгаша бар экендиги тууралуу азырынча маалымат бериле элек.