Малайзиянын тышкы иштер министри Саед Хамед Альбар бүгүн Орусиянын президенти Владимир Путинди сынга алды. Анын айтымында, аптанын башында Путин Брюссель шаарында сүйлөгөн сөздөр дүйнө мусулмандарынын баарынын намысына тийет жана кимди болбосун жииркентет. Франциялык журналисттин Чеченстан боюнча суроосуна жооп берип жатып, Путин: исламдык террорчулар бардык христиандарга каршы аракеттенүүдө жана сиз аны түшүнбөстөн, исламчыл болом десеңиз, Маскөөгө келиңиз, биз сизди сүннөткө отургузуп салалы, - деп айткан.
