Орусиянын тышкы иштер министри Игорь Иванов кечээ кечинде Париж шаарында Франциянын тышкы иштер министри Доминик Вийлепин менен жолугуп сүйлөшкөндө, жазында Чеченстанда референдум өткөрүлүп, жумурияттын жаңы конституциясы кабыл алынат жана андан кийин жаңы конституция боюнча шайлоо өткөрүлүп, бардык башка маселелер мыйзам чегинде чечилет, - деп билдирди. Конституция боюнча, Чеченстан Орусиянын курамындагы жумурият болот. Апта башында президент Владимир Путин - Чечен маселесин саясий жол менен чечүүгө ал каршы эмес экендигин билдирген.
