2-декабрда Германиянын Петерсберг шаарында Ооганстанда тынчтык орнотуу процесстерин талкуулаган эл аралык экинчи конференция болот. Ага катышуу үчүн жекшембиде Кыргызстандын тышкы иштер министри Аскар Айтматов жөнөп кетти. Тышкы иштер министрлигинен ушул эле күнү алынган маалыматка караганда, Кыргызстандын тышкы саясат тармагынын жетекчиси иш сапар учурунда ФРГнин тышкы иштер министри Фишер менен жолугушуп, кыргыз-герман кызматташтыгын талкуулашаары да күтүлүүдө.
