БИШКЕК. 6-декабрда Кыргызстанда Орозо айт майрамы белгиленет. Бул күнү эртең менен Бишкектеги эски аянтта айт намазы окулат. Кыргызстан мусулмандарын Орозо айт майрамы менен АКШнын президенти Жорж Буш куттуктагынын шаршембиде Американын Кыргызстандагы элчилиги маалымдады. Ал эми өкмөттүн токтому менен 6-декабрь дем алыш деп жарыяланды. Кыргызстан диний башкармалыгынын башчысы азирети муфтий Мураталы Жуманов 4-декабрда Орозо айт майрамы менен «Азаттык» радиосу аркылуу Кыргызстан калкын куттуктады.
