Россиянын президенти Владимир Путиндин расмий иш сапарынын алкагында Россиянын биринчи айымы Людмила Путина Кыргызстандын биринчи айымы Майрам Акаеванын коштоосунда Бишкектеги Кыргыз-Орус (Славян) университетинде болду. Кыргыз-Орус университетинде Людмила Путинага «Курманжан Датка» фондунун сыйлыгы салтанаттуу тапшырылды. Ага чейин Путина университеттин алдындагы Александр Пушкиндин эстелигине гүл койду. Аталган университеттин профессордук-окутуучулук жамааты менен жолугушуп, көргөзмө менен таанышып чыкты. Ал эми Орусиянын бийик делегациясынын иш сапары башталаар алдында «Российская газета» университеттин орус тилчи жана адабиятчы окутуучулары үчүн 250 килограмм китеп тартуулаган.
