2003-жылдын январынан баштап март айына чейин коргоо министрлиги 1986-жылы төрөлгөн өспүрүм балдардын санын тактайт. Премьер-министрдин буйругуна шилтеме берип тараткан «АКИпресстин» жума күнкү маалыматына караганда, тактоо жана каттоо иштери жергиликтүү аскер комиссарлыктары аркылуу жүргүзүлүп, саламаттык сактоо министрлиги жер-жерлерге дарыгерлердин тобун жөнөтөт. Ал эми аскер кызматына чакыруу максатында жүргүзүлө турган каттоодон баш тарткандарды издөө үчүн атайын транспорттор жана ички иштер кызматкерлери тартылат.
