БИШКЕК. 10-11-декабрда Бишкекте өтө турган Коллективдүү коопсуздук келишимине кирген мамлекеттердин коопсуздук кеңештеринин катчыларынын комитетинин 5-чи жыйынына катышуу үчүн 9-декабрда Кыргызстанга Орусиянын Коопсуздук Кеңешинин катчысы Владимир Рушайло келет. Аны менен кошо Коллективдүү коопсуздук келишимине мүчө Армения, Беларустун , КМШыга кирген Азербайжан, Грузия, Молдова жана Украинанын коопсуздук кеңештеринин катчылары келет. КМШга кирген мамлекеттердин өкүлдөрү Бишкек жыйынына байкоочу катары катышат. Коопсуздук кеңештеринин катчылары Бишкекте Ала-Арча мамлекеттик резиденциясында өтүүчү жыйында Ирак жана коопсуздук багытындагы кызматташуу маселелерин талкуулашмакчы.
КМШдагы мамлекеттердин коопсуздук кеңештеринин катчылар комитетинин бешинчи жыйыны Бишкекте өтө турган болду
