АКШ президенти Джордж Буш коргоо министирлигине кечээ күнү атайын буйрук берип, Ирактын оппозициясына каражат жагынан жардам көрсөтүүнү буйруду. Алардын куралдуу бөлүктөрүн машыктыруу жана аскерий аспаптар менен жабдуу үчүн 92 миллион доллар сарпталмакчы. Президент Буштун айтымында, Иракта кеңири кыруучу курал бар жана аны Багдад мойнуна албаса, АКШ атайын эл аралык коалиция түзүп, Иракты күч менен куралсыздандырат.
