Талас областындагы дарылоо мекемелеринин кышка даярдыгы канааттандырбайт.

ТАЛАС. Бириккен областтык ооруканадан алынган маалыматка ылайык, областтын аймагында 93 саламаттыкты сактоо мекемеси болсо, мунун ичинде кышка даярдык иштери 81 объектиде гана бүткөрүлгөн. Керектелүүчү 400 тонна көмүрдүн 65 % гана бар. Он бир ай ичинде бюджеттен бөлүнгөн 34 млн. 734 миң сомдун 21 % электр энергиясына чыгымдалган. Дары-дармекке 4,8 %, тамак берүүгө 7,9 % каражат кеткендиги эске алынганда, көпчүлүк медициналык административдик имараттар зарылчылыгы жок болсо деле жылытыла берет.