БУУнун инстпекторлору Ирактан али да массалык кыргын салуучу курал өндүрүшүнүн изине түшө элек.

Эл аралык Атомдук Энергетика Агенттигинин жетекчиси Мохамед Ел-Барадей Бириккен Улуттар Уюумунун курал инспекторлору Иракта бүгүнгө чейин ядролук же химиялык курал өндүрүшүнүн изине түшө алышпаганын билдирди.
Ошол эле учурда Ел-Барадей согушка жол бербөө үчүн, Ирак курал инспекторлору менен кызматташуусун улантууга тийиш экенин белгиледи.
Бүгүн Атомдук Энергетика Агентигинин эксперттери Иракта чогултулган топурак жана башка заттардын үлгүлөрүн изилдөөгө алышты. Изилдөө Иракта жашыруун ядролук курал программасы бар-жок экендигин аныктоого жардам берет.