Түркия Европа Биримдигине кирүү аракетин улантат.

«Европа Биримдиги Түркия менен сүйлөшүү баштоонун мөөнөтүн тактоодон баш тартканына карабастан, Түркия Биримдикке кирүү аракетин улантат», деп билдирди өлкөнүн бийликтеги партиясынын төрагасы Режеп Тайып Эрдоган. Кечээ кабарчылар менен жолукканда Эрдоган «Туркия бул максатка олуттуу мамиле кылуудан тайбайт» деди.
Өткөн жума күнү Копенгаген самитинде Европа Биримдиги Түркия демократиялык жана экономикалык реформалар боюнча 2004-жылы отчет бергенден кийин гана, аны менен сүйлөшүү баштоонун мөөнөтү аныкталаарын жарыялады.