ВАШИНГТОН. Американын «Консеко» аттуу ири камсыздоочу корпорациясы өзүнүн банкрот болгондугу жөнүндө жарыя кылды. Бул Американын тарыхындагы үчүнчү чоң банкроттук. Компаниянын карыздары 6 жарым милиард долларды түзөт, бирок ага карабастан ал камсыздоочу документтер боюнча кардарларга акча төлөөнү улантат. Компаниянын кыйрап калуусуна ири максатсыз сарптоолорго жол берген мекеменин мурдагы жетекчилиги себеп болгон деп жатышат.