МАХАЧКАЛА. Бүгүн Орусиянын Дагестан жумуриятында белгисиз бирөөлөр топтошуп турган полиция кызматкерлерине ок атып, бир полисменди өлтүрүп кетишти. Жумурияттын ички иштер министрлигинин айтымында, кол салуу козголоңчул Чеченстанга чектеш Касявурт деген жерде болгон. Полиция чабуул жасаган эки киши колго түшүрүлгөнүн, бирок башкалар качып кеткенге үлгүргөнүн билдирет. Кармалгандардын бирөө «куралдуу топтордун мүчөсү» деген шек менен 95-жылдан бери изделип жаткан киши болуп чыкты.
