ЛОС-АНЖЕЛЕС. Лос Анжелестин соту чылым чеккен аялга «Филипп Морис» тамеки компаниясы төлөп бере турган компенсациянын көлөмүн 28 миллион доллардын деңгээлине түшүрдү. Доочунун арызы боюнча октябрь айында болгон сот, 64 жаштагы рак менен ооруган аялга 28 миллиард доллар төлөп берүүгө милдеттендирген болчу. «Филипп Мористин» өкүлдөрү «мында чечим, компаниянын аброюн түшүрүү максаты менен чыгарылды» деп нааразы болушкан. 28 миллион доллар акчаны оор абалда жаткан аялдын туугандары алышмакчы. Анткени медиктер аялдын көрөөр күнү аз калганын айтып жатышат.
«Филипп Морис» тамеки компаниясы чылым чеккен аялга 28 миллион доллар төлөп бере турган болду.
