Палестинанын шайлоо комиссиясы бүгүн Яссир Арафатка кайрылып, 20-январга белгиленген президенттик жана парламенттик шайлоону кийинкиге калтырууну суранды. Комиссиянын пикиринде, Йордан дарыясынын батыш жээгинен израилдик аскерлер чыгарылып кетмейинче, шайлоо өткөрүү ыңгайсыз. Комиссиянын өкүлү Али Жербавинин айтымында, шайлоону жөөт аскерлери чыгарылып кеткенден жүз күн өткөндөн кийин гана өткөрүү мүмкүн. Жөөт аскерлери басып алган аймактарда палестиндер эркин жүрө албайт.
