20-декабрь күнү Вена шаарында Европадагы коопсуздук жана кызматташуу уюмунун жыйыны - Беларустагы абалды талкуулай баштады. Беларус жетекчилиги уюмду: өлкөнүн ички иштерине кийлигишкен, - деп күнөөлөп, анын Минскидеги кеңсесинде иштеген дипломаттардын визаларын узартпай койгондуктан, октябрь айынан бери уюм менен Беларус ортосунда байланыш жок. Вена жыйынында ОБСЕнин Беларуста 1-январдан тартып жаңы мандат менен иштөөсү тууралуу чечим кабыл алынууга тийиш.